Читаем Детям Партрэт

Што спярша? Спярша — берэт.

Пад берэтам — галава:

Круг адзін, абапал два.

Гэта будуць мае вушы.

Што яшчэ дадаць я мушу?

Нос — кружок, і рот — кружок.

Ты пазнаў мяне, дружок?

Галавою круціць друг.

Ах, забыўся я пра вочы!

Калі ласка, яшчэ круг,

I яшчэ крутну разок —

Самы меншы мой кружок.

Вось цяпер партрэт удаўся.

— Праўда? — ў мамы я спытаўся.

— Надта ж розныя кружочкі —

Адно вунь якое вока

I зусім малое вочка.

— Ах, някемная якая.

Падыдзі, убачыш зблізу:

Гэтым кнігу я чытаю,

Тым — гляджу я тэлевізар.

Як ты здорава падобны!