Вось І наступіла доўгачаканае жніво. У чацвер у полі суп «Андрэеўка» прайшлі




Дата канвертавання06.10.2018
Памер13.08 Kb.
Своечасова і без страт

   




Вось і наступіла доўгачаканае жніво. У чацвер у полі СУП «Андрэеўка» прайшлі «Зажынкі».

На мерапрыемства, якое адбылося за вёскай Залунеўе, прыехалі старшыня раённага выканаўчага камітэта Аляксандр Грыгарэнка, старшыня раённага Савета дэпутатаў Алена Алексіна, першы намеснік старшыні, начальнік упраўлення сельскай гаспадаркі і харчавання райвыканкама Людміла Пракопенка, намеснік старшыні райвыканкама Генадзь Вамбрыкаў, генеральны дырэктар АТТ «Гомельхлебапрадукт» Генадзь Суздалеў і кіраўнікі гаспадарак. У полі іх ужо чакалі экіпажы збожжаўборачных камбайнаў.

– Сённяшні дзень з’яўляецца адпраўной кропкай пачатку ўборкі ўраджаю. У 2016-м мы сталі першымі ў вобласці па валавому намалоту збожжа. Спадзяюся, што і ў гэтым годзе мы не зменшым абароты, бо на палях паспеў даволі важкі ўраджай, і нам застаецца толькі сабраць яго, – адзначыў старшыня раёна.

Па шматвяковай традыцыі нашых бацькоў і дзядоў, жанчыны ў нацыянальных касцюмах зжалі першыя снапы новага ўраджаю і падарылі іх высокім гасцям. Са словамі малітвы да прысутных звярнуліся протаіерэй Ігар і іерэй Аляксандр. Святары пажадалі зямлі быць шчодрай, а механізатарам старанна працаваць. І пасля таго, як усіх пачаставалі хлебам-соллю, камбайн пад кіраўніцтвам Аляксандра Грыгарэнкі першым выйшаў у поле. Вось так і распачалося доўгачаканае жніво.



Свята скончылася, і надышлі гарачыя будні. Аднак, можаце быць упэўненыя, аграрыі прыкладуць усе намаганні, каб сабраць ураджай своечасова і без страт.



База данных защищена авторским правом ©urok.shkola.of.by 2016
звярнуцца да адміністрацыі

    Галоўная старонка