Шандар Пецёфі Патрыятычная песня




Дата канвертавання22.07.2018
Памер7.68 Kb.

Шандар Пецёфі




Патрыятычная песня

Я сэрцам і душою твой,

Мая краіна!

Бо прысягнуў табе адной

Любоўю сына.
Мая душа — прасветлы храм,

Яснота неба.

Я за цябе яе аддам,
А калі трэба,

Няхай з грудзей юначых кроў

Струменем хлыне,

Каб шчасце вечнае было

Маёй Айчыне.
Я назаўсёды прысягаў

Высокай мэце,

Бо толькі ты адна ў мяне

На гэтым свеце.


Я друг і следам за табой

Усюды крочу,

Не так, як цень, а ў ясны дзень

I цёмнай ноччу.

 

I ўжо калі гусцее змрок



I дзень канае,

Расце ў душы мой горкі сум,

Любімы краю.

 

Я да тваіх іду сыноў,



I песняй роднай

Мы молімся, каб ты заўжды

Была свабоднай.

Пераклад: Мікола Хведаровіч


Беларуская Палічка: http://knihi.com

http://knihi.com/Sandar_Pieciofi/Patryjatycnaja_piesnia.html


База данных защищена авторским правом ©urok.shkola.of.by 2016
звярнуцца да адміністрацыі

    Галоўная старонка