Урок Тэма: Трапезы, звязаныя са святамі каляндарнага цыклу




Дата канвертавання24.11.2017
Памер77.45 Kb.
ПЛАН УРОКА

8 клас


Дата: 16.10.2017

Прадмет: працоўнае навучанне (абслуговая праца)

Від занятку: камбінаваны урок

Тэма: Трапезы, звязаныя са святамі каляндарнага цыклу

Мэта: стварэнне ўмоў для азнаямлення навучэнцаў з трапезамі, звязанымі са святамі каляндарнага цыклу.

Задачы:

адукацыйныя:

пазнаёміць вучняў з асаблівасцямі праваслаўнай кухні, асаблівасцямі трапез на Каляды, Масленіцу, Каляды, Вялікдзень;



развіваючая:

спрыяць развіццю лагічнага мыслення, прасторавага ўяўлення і фантазіі;



выхаваўчыя:

спрыяць якаснаму выкананню працы, правільнай арганізацыі працоўнага месца; выкананне санітарна-гігіенічных патрабаванняў; выхаванне акуратнасці, уседлівасці, працавітасці.


Ход урока

  1. Арганізацыйны момант

Прывітанне

Праверка гатоўнасці навучэнцаў да урока:



  • наяўнасць рабочых сшыткаў;

  • настрой навучэнцаў на работу;

  • давядзенне да навучэнцаў плана урока.

Намі вывучаны раздзел «Асновы гатавання ежы» і сёння на ўроку мы праверым , замацуем і абагульнім вашы веды па дадзенай тэме, вырашым тэст, праверым ваша хатняе заданне, пазнаемімся з новай тэмай, паглядзім відэафільм, навучымся рабіць вырабы дэкору з цеста, падвядзём вынікі ўрока.

Усім поспеху! Добрых адзнак!



  1. Праверка вывучанных ведаў

Тэст:

1.Перад замешваннем цеста муку:

а) перабіраюць і абсмажваюць; б) правяраюць на наяўнасць шкоднікаў, прасяваюць; в) сушаць і перабіраюць.

2. Якасная мука мае:

а) гаркавы густ; б) кіслявы густ; в) злёгку саладкавы густ

3. Дражджавое цеста можна згатаваць спосабам:

а) апарным; б) простым; в) запарным.

4. Для гатавання бялковага крэму:

а) узбіваюць жаўткі з цукрам; б) узбіваюць бялкі з цукрам;

в) узбіваюць смятану з цукрам.

5. Да асартыменту мучных кандытарскіх вырабаў адносяць:

а) тарты, батоны, булачкі; б) бліны, пірожныя, аладкі; в) пірожныя, кексы, тарты;

6. Пякарныя якасці пшанічнай мукі залежаць ад утрымання ў ёй:

а) клейкавіны; б) пажыўных рэчываў; в) вітамінаў.

7. Да хімічных разрыхляльнікаў цеста адносяцца:

а) сода, вуглякіслы амоній; б) дрожджы, вуглякіслы амоній; в) бялкі, сода.

8. Да салодкіх страў адносяцца:

а) кісель, мус, суфле; б) кексы, тарты, кісель; в) жэле, кампот , пірожныя.

9. Якім бывае цеста ў залежнасці ад кансістэнцыі?

а) крутым, густым і вадкім б) крутым, рассыпістым, цвёрдым в) густым, цвёрдым, мяккім

10. Людзі якіх прафесій злучаны з гатаваннем мучных вырабаў?

Кандытар, аграном, цеставод, мукамес, бісквітчык, пекар, кулінар мучных вырабаў, пячэнюшнік, повар, прадавец.



  1. Уводзіны новых ведаў

Тэма нашага сеняшняга урока “Трапезы, звязаныя са святамі каляндарнага цыклу” (запіс у сшыткі)

За сваю шматвяковую гісторыю беларускі народ стварыў унікальную самабытную культуру. Традыцыйныя народныя святы і абрады спалучаюцца з хрысціянскімі традыцыямі, утвараючы непаўторны гарманічны сінтэз.

Вялікая частка насельніцтва Беларусі — хрысціяне. Галоўнымі святамі хрысціянства з'яўляюцца Каляды і Вялікдзень, якія адзначаюцца двойчы: па праваслаўнаму і каталіцкаму рэлігійным календарам.

«Трапеза». Асаблівасць праваслаўнай кухні

Менавіта ў праваслаўных храмах, манастырах трапеза ўстала да маральных вышынь. На ёй усе былі роўныя: і немаёмныя, і тыя, хто меў дастатак. Трапеза прышчапляла культуру сілкавання практычна ўсім пластам насельніцтва. Падчас трапезы забараняліся бяздзейныя гутаркі, чыталіся душакарысныя павучанні.

У наш час у нашай рэспубліцы шырока пашыраны трапезы, звязаныя з Калядамі, Масленіцай, Вялікднем і інш.



Асноўны прынцып – выкарыстанне натуральных прадуктаў (расліннага паходжання), мінімальнае выкарыстанне: мяса, вострых запраў, солі, цукру.

У наш час у нашай рэспубліцы шырока пашыраны трапезы звязаныя з Калядкамі, Масленіцай, Вялікаднем. Вам было дадзена апераджальнае заданне: падрыхтаваць, як святкуюць у нас Каляды, Масленіцу, Вялікдзень.

1-ы вучань.

Падчас святкавання Каляд праводзіцца тры асноўныя святочныя трапезы: посная (вялікая) перад Калядамі, багатая (шчодрая) - перад Новым годам, Посная (вадзяная) - перад Хрышчэннем. Абрадавай стравай на Калядных трапезах была куцця, якую варылі з цэлых зярнят і падкалочвалі маслам ці разведзеным медам. Гэта страва была знакам неўміручасці, вечнасці жыцця. На Каляды рыхтавалі розныя пачастункі — халадзец, гусака з яблыкамі, качку з капустай, малочнае парася і інш. Пяклі пірагі і дробную выпечку (калядкі), якія раздавалі людзям, каторыя калядавалі.

2-гі вучань

Масленіца — гэта свайго роду бліновае свята. Кожная энцыклапедыя вам адкажа, што бліны – кулінарны выраб, згатаваны з вадкага цеста, што выліваецца на распаленую патэльню, мае круглявую форму. Па адной з версій, аднойчы, разаграваючы аўсяны кісель, гаспадыня зазявалася, кісель падсмажыўся, падрумяніўся і атрымаўся першы блін. Бліны пякліся раней на працягу ўсяго года, а з 19 стагоддзя сталі асноўным пачастункам Масленіцы, бо круглы блін увасабляў сонца. Праваслаўная царква не ў сілах падужаць гэту традыцыю, змушана была ўзаконіць Масленічны тыдзень перад пачаткам вялікага паста.

Вучань 3.

Для велікоднай трапезы рыхтуюць адменныя стравы. Найстаражытнейшым з іх з'яўляецца куліч — хлеб з дражджавога цеста. На гэтым хлебе малюецца крыж. Гатовыя кулічы ўпрыгожваюць глазурай, арэхамі, пасыпаннямі. Іншай хрысціянскай велікоднай стравай з'яўляецца пасха. Яе рыхтуюць з тварагу і смятаны. Тварог кладуць пад прыгнёт, каб выдаліць лішнюю вільгаць. Трэцім атрыбутам велікоднай трапезы з'яўляюцца фарбаваныя яйкі. Цалкам афарбаванае яйка завецца маляванкай, а распісанае рознымі ўзорамі - пісанкай. Найболей пашыраны і даступны сродак для афарбоўвання яек — адвар цыбульнай шалупіны. Яйкі атрымваюцца яркімі, чырвона-карычневымі. Адвар сушанай крапівы афарбоўвае іх у зялёны колер, адвар са шкарлупы ў жоўты, адвар бурака – у ружовы.



  1. Фізкультхвілінка

Устаньце, вучні, усміхніцеся,

Зямлі нашай пакланіцеся

За шчаслівы дзень учарашні.

Усе да сонца пацягніцеся,

Улева, управа нахіліцеся,

Верацёнцам пакруціцеся.

Раз прысядзьце, два прысядзьце

І за парты ціха сядзьце.



  1. Замацаванне атрыманых ведаў

Зараз, мы з вамі паглядзім відэафільм прыгатавання вялікагодна куліча. Ваша задача – уважліва яго прагледзець, пасля чаго вы павінны будзеце адказаць на мае пытанні аб інгрэдыентах, якія ўваходзяць у склад куліча і аб тэхналогіі яго прыгатавання.

Прагляд відэафільма “Прыгатаванне вялікагоднага куліча”

Якія інгрэдыенты уваходзяць у скал куліча?

Якім спосабам гатавалася дражджавое цеста у гэтым відэа?

Зараз я вам раздам гатовыя рэцептуры прыгатавання куліча, які мы зараз бачылі, а вы яго дома уклеіце ў свій сшытак.



  1. Практычая работа

Цяпер мы пераходзім да нашай практычнай работы. Як я ужо казала, мы з вамі будзем вучыцца вырабляць з цеста элементы дэкору куліча. Напрыклад кветачку, лісцікі, жгуцік, касічку. У канцы практычнай работы,вы павінны валодаць навыкамі ўпрыгожвання куліча.

Інструктаж работы з вострымі і рэжучымі прадметамі.

Усе ў спец адзенні, прыступаем да працы.

Інструкцыйна-тэхналагічныя карты



7.Тэматычны катроль

Так давайце ж падвядзём вынік нашага ўрока.

1. Што ж такое трапеза?

2. Ахарактарызуйце асаблівасці праваслаўнай кухні.

3. Якія стравы падаюцца да велікоднай трапезы?

4. Якія натуральныя фарбавальнікі выкарыстоўваюцца для афарбоўвання яек?



8.Рэфлексія

– Ці было вам цікава на ўроку?

– Што кожны з вас лічыць для сябе карысным з таго, што было на ўроку?

8. Вынік урока

Вялікі дзякуй за урок. Я спадзяюся, што вы шмат чаго вынеслі з гэтага урока і пашырылі свае веды па вывучаным раздзеле.



9. Адзнакі за урок і іх каментыраванне.

Адказы на тэст:

  1. Б

  2. В

  3. А

  4. Б

  5. В

  6. А

  7. А

  8. А

  9. А

  10. Кандытар, бісквітчык, пекар, кулінар мучных вырабаў, повар.


Адказы на пытанні

  1. Трапеза – гэта агульны стол для прыёму ежы ў манастыры, а таксама прыём ежы, ежа.

  2. Асноўны прынцып – выкарыстанне натуральных прадуктаў (расліннага паходжання), мінімальнае выкарыстанне: мяса, вострых запраў, солі, цукру.

  3. Куліч, тварожная пасха, фарбаваныя яйкі

  4. Адвар цыбульнай шалупіны, адвар сушанай крапівы, адвар бурака.


Адказы на пытанні пасля фільма

  1. Мука, яйкі, малако, вяршковае масла, цукар, дрожджы, ром, ванілін, розанкі, міндаль, цукаты.

  2. Апарным спосабам

РЭЦЭПТУРА “ВЯЛІКАГОДНЫ КУЛІЧ”
Інгрэдыенты:

  1. Мука – 500 г. (4 стак)

  2. Малако – 1,5 стак

  3. Вяшковае масла – 250 г.

  4. Яйкі – 5 шт.

  5. Цукар – 200 г.

  6. Дрожджы – 30 г.

  7. Ром – 30мл.

  8. Ваніль – 1 ч.л.

  9. Разынкі – 50 г.

  10. Міндаль – 50 г.

  11. Цукаты – 50 г.

1. Дрожджы развесці ў 1 стакане цёплага малака

2. Пакінуць на 10 хвілін у цёплае месца

3. Замачыць разынкі ў роме

4. Прасеяць у міску 1 стакан мукі

5. Дадаць астатняе малако і перамяшаць

6. Дадаць разведзеныя дрожджы

7. Паставіць на 30 хвілін у цёплае месца

8. Адлучыць бялкі ад жаўткоў

9. Жаўткі ўзбіць з цукрам

10. Дадаць ваніль і ром

11. Узбіць бялкі з дробкай солі

12. У рошчыну дадаць жаўткі

13. Паступова ўвесці ўзбітыя бялкі

14. Дадаць муку і мясіць 10 хвілін

15. Увесці вяршковае масла

16. Перакласці цеста ў міску, змазаную алеем і паставіць у цёплае месца на 1,5 гадзіны

17. Абкамячыць цеста і мясіць пары хвілін

18. Разынкі прысыпаць мукай і разам з цукатамі і міндалем увесці ў цеста

19. Выкласці цеста на 1/3 вышыні формы і пакінуць у цеплым месцы пакуль не ўстане да вышыні формы



20. Выпякаць 1 гадзіну пры тэмпературы 180 градусаў

21. Выняць з формы і змазаць верх куліча бялковай глазурай


База данных защищена авторским правом ©urok.shkola.of.by 2016
звярнуцца да адміністрацыі

    Галоўная старонка